ឯកឧត្តម ហ៊ុន ម៉ាណែតចូលរួមសោកស្តាយ ចំពោះមរណភាពរបស់លោកបណ្ឌិត កែម ឡី
16-July-2016 | ដោយ មែន កំសត់
តាកែវ៖ក្នុងពេលអញ្ជើញចូលរួមជា អធិបតី នៅក្នុងពិធីកាត់ឬសសីមា និងសម្ពោធសមិទ្ធិផល នានានៅវត្តថ្មកែវ ឃុំត្រាំកក់ ស្រុកត្រាំកក់ ខេត្តតាកែវ ថ្ងៃទី១៥ ខែកក្កដា ២០១៦ ឯកឧត្តមហ៊ុន ម៉ាណែត បុត្រច្បងរបស់សម្តេចតេជោហ៊ុន សែន នាយករដ្ឋមន្ត្រីនៃកម្ពុជាបានថ្លែងថាលោកសូមចូលរួមសោកស្តាយ ចំពោះមរណភាពរបស់លោកបណ្ឌិត កែម ឡី និងចូលរួមមរណទុក្ខ ជាមួយគ្រួសារសព ព្រមទាំងបានថ្កោលទោស ចំពោះអំពើឃាតកម្មនេះនិងគាំទ្រចំណាត់ការរបស់រដ្ឋាភិបាលក្នុង ការវែកមុខករមកផ្តន្ទាទោស។
ឯកឧត្តមហ៊ុន ម៉ាណែតក៏បានអំពាវនាវកុំអោយយកមរណភាពលោកបណ្ឌិត កែម ឡីកេងចំណេញនយោបាយវាយប្រហារដល់រាជរដ្ឋាភិបាល អាជ្ញាធរមានសមត្ថកិច្ចនៅក្នុងរឿងនេះដោយ សូមឲ្យប្រជាពលរដ្ឋជឿទុកចិត្ត និងទុកលទ្ធភាពឲ្យសមត្ថកិច្ចធ្វើការងារជំនាញ ដើម្បីវែកមុខឃាតករ និងអ្នកដែលពាក់ព័ន្ធមកផ្តន្ទាទោសតាមច្បាប់។
សូមរំលឹកថា លោក កែម ឡី ត្រូវបានឃាតករបាញ់សម្លាប់ នៅក្នុងស្តារម៉ាត ស្តុបបូកគោ សង្កាត់ទន្លេបាសាក់ ខណ្ឌចំការមន រាជធានីភ្នំពេញកាលពីថ្ងៃទី ១០ កក្កដា ២០១៦។
ព្រឹកនេះ ព្រះសង្ឃចំនួន៥០០អង្គ គង់នៅបណ្តាវត្តក្នុងរាជធានីភ្នំពេញ បាននិមន្តរាប់បាត ក្នុងពិធីបុណ្យសព លោក កែម ឡីនៅក្នុងបរិវេណវត្តចាស់ ស្ថិតនៅខណ្ឌជ្រោងចង្វារ រាជធានីភ្នំពេញ ជាទីតំកល់សព អ្នកវិភាគបញ្ហាសង្គមនិងនយោបាយកម្ពុជារូបនេះ៕
ចំនួនអ្នកទស្សនា
- ថ្ងៃនេះ3561
- ម្សិលមិញ5181
- សប្តាហ៍នេះ26321
- ខែនេះ8751
- ឆ្នាំនេះ251991
- សរុប20694447